Кој ќе тепа на Ел Класико!? ↓↓↓
Првиот селектор на македонската репрезентација, Андон Дончевски денес беше присутен на тренингот на репрезентација пред натпреварот против Албанија.
Легендарниот тренер на репрезентацијата на Македонија и Вардар им посака среќа и успех на нашите фудбалери. Поддршка исто така даде и Агим Ибраими кој поради повреда ќе го пропушти натпреварот во Скадар.
„Момци, пред 20 години ја победивме Албанија со 5:1, верувам дека можете и вие да дојдете до добар резултат во Скадар. Верувам во вас и очекувам да ја израдувате фудбалска Македонија со еден позитивен резултат“, изјави Дончевски.
Пред натпреварот и репрезентативец на Македонија, Иван Тричковски даде изјава.
„Албанија е фаворит, оваа генерација на нашиот прв противник е веројатно најсилна во нивната историја, но тоа не значи одиме без шанса, напротив. Мислам дека добро ќе се подготвиме и на тактички и на психолошки план и ќе одиграме квалитетен натпревар. Ова е нов почеток за двете селекции, се е можно“, изјави Тричковски.
