Кој ќе тепа на Ел Класико!? ↓↓↓
На денешната трка на ГН на Велика Британија на патеката Силверстоун, возачот на Сузуки, Маверик Вињалес го освои првото место.
Уште на стартот се случи инцидент. Лорис Баз и Пол Еспаргаро се судрија и беше покажано црвено знаме по кое беше рестартирана трката. На рестартот Маверик Вињалес стартуваше доминантно и до крајот ја задржа големата предност и славеше во Велика Британија. За второто место имаше епска борба помеѓу Роси, Крачло, Маркез и Јаноне. Роси беше втор, па во еден момент Јаноне се најде на втората позиција и падна. Останаа во борба Маркез и Крачло. Маркез згреши, излета од патеката и се врати на петата позиција, го помина клупскиот колега Дани Педроса и заврши на четвртата позиција. Крачло заврши втор, а Валентино Роси трет. Актуелниот шампион, Хорхе Лоренцо заврши на осмата позиција. Трката уште не ја заврши Штефан Брадл.
