Кој ќе тепа на Ел Класико!? ↓↓↓
Кошаркарската репрезентацијата на Македонија до 14 години го освои турнирот што се одржува во Скопје.
На меѓународниот турнир учествуваа четири репрезентации, Македонија, Косово, Бугарија и Романија.
Во првото коло Македонија го декласира Косово со 95:49. Дебакл од македонските кошаркари доживеа и Романија, 63:87 со која играа во второто коло.
Денес се одлучуваше победникот помеѓу репрезентациите на Македонија и Бугарија.
Одлично започнаа македонските кошаркари, 25:19 после првите 10 минути игра. На полувреме Македонија имаше водство од 7 поени, 38:31. Бугарите во третата четвртина се разиграа и го израмнија резултатот пред последните 10 минути од натпреварот, 54:54. Во четвртата четвртина се играше израмнето, но репрезентативците на Македонија беа подобро во финишот од натпреварот и славеа со 67:66.
Најефикасен кај Македонија беше Миловановиќ со 17 поени. Димитровски постигна 13. Германов беше најефикасен кај Бугарија со 23 поени.
