Уствари викендов е затишје пред бура! ↓↓↓
Денес на програмата на СП во Франција се одиграа 2 натпревари од 20:45.
На натпреварот помеѓу Норвешка и Јапонија, фаворитот победи убедливо со 38:23.
Како што се очекуваше, така и беше на натпреварот. Норвешка го отвори одлично натпреварот и со по неколку серии во првото полувреме кои беа прекинувани од време на време со некој гол на Јапонија, заминаа на полувреме со 19:14.
Второто полувреме уште полошо за Јапонија. Најголемата серија која ја имаше Норвешка беше од неверојатни 7 голови.
Најдобар играч беше Мирхол со 7 постигнати голови.
Во вториот натпревар се очекуваше голема борба на Словенија и Шпанија. А така и изгледаше самиот почеток на натпреварот.Словенија имаше дури и предност од 2 голови, но набрзо се сменија работите, Шпанците ја подобрија играта и на полувремето заминаа со 18:10.
Второто полувреме одлично почна за Шпанците, а така и продолжи. Едноставно Вујовиќ и Словенија која играше против нас се изгуби.
Шпанците успеаа да победат со 36:26, а најдобар стрелец беше Балагуе со 7 постигнати голови.
