Кој ќе тепа на Ел Класико!? ↓↓↓
Одличниот фудбалер на Монако игра многу добро во оваа сезона, а тоа нормално не помина незабележано кај многу европски гиганти, сепак, се чини дека кариерата може да ја продолжи во Манчестер.
Како што пренесува британски „Метро“ Манчестер Јунајтед и понатака е заинтересиран фудбалерот на Монако Фабињо.
Човекот кој еден дел од својата кариера помина и во мадридски Реал, екслодираше во Монако, посебно беше добар во првиот дел од сезоната, а малку недостасуваше во летото да заврши на Олд Трафорд.
Тоа не се случи, имаше приказна дека може да ја засили екипата на Мурињо во јануари, но на крајот ни таа приказна не се реализира.
Фабињо остана во Монако, со кој тим е на добар пат да ја освои титулата во Франција.
Доколку тоа и се случи, нема да чуди да видиме егзодус во редовите на Кнежевстовот, бидејќи за голем број на играчи на Монако владее голем интерес.
Така Фабињо може да го напушти стадионот Луј втори, а покрај Манчестер има уште заинтересирани клубови за неговите услуги.
Тоа се наводно манчестерскиот Премиерлигаш Сити, како и лондонски Арсенал и актуелниот шампион на Шпанија Барселона.
Пеп во целост ја реновира одбраната, во Арсенал Фабињо веројатно ќе биде користен во средината, додека Барса го бара за десен бек, посебно поради тешката повреда на Алеиш Видал.
„Во разговор сме со Манчестер Јунајтед, Манчестер Сити, Арсенал и не контактираа и Барселона“, изјави таткото на фудбалерот Жоао.
Таткото на фудбалерот откри и каде Фабињо најмногу сака да ја продолжи својата кариера.
„Ни се допаѓа Манчестер Јунајтед и тоа што таму го работи Мурињо, но слаби сме на Манчестер Сити“, додаде таткото на Фабињо.
Значи, делува дека Бразилецот ќе игра во Манчестер, а излгеда дека Мурињо може да го „украде“ на Гвардиола.
