Уствари викендов е затишје пред бура! ↓↓↓
Македонската тенисерка, Лина Ѓорческа ја победи украинката Олга Савчук во квалификацискиот натпревар за ВТА турнирот кој ќе се одржи во швајцарски Биел во три сета, 1:2.
Во првиот сет се играше гем за гем се до резултатот 2:2. Ѓорческа во петиот гем имаше три брејк топки на сервис на Савчук и ја искористи третата за да стигне до водство, 2:3. Тетовчанката во седмиот гем направи уште еден брејк за 2:5. Кога сервираше за сет Ѓорческа беше сигурна, 2:6.
Украинката во четвртиот гем направи брејк, 3:1. Лина набрзина врати со иста мерка, 3:2. На сервис на Ѓорческа, Савчук имаше една брејк топка која ја искористи за зголемување на водството на два гема, 4:2. До крајот на првиот сет Савчук остана сигурна на свој сервис и израмни во сетови, 1:1, а вториот сет го доби со 6:3.
Лина во вториот гем од третиот сет пропушти пет брејк топки. Затоа во четвртиот гем на и дозволи на Савчук на свој сервис да земи поен, 1:3. Во следниот гем Савчук ја искористи единствената брејк топка за намалување на 2:3. На сервис на украинката, македонската тенисерка и дозволи да освои само еден гем, 2:4. Ѓорческа направи брејк во осмиот гем за победа на денешниот натпревар, 2:6.
Лина Ѓорческа во следното коло ќе игра против Диана Марцинкевица од Латвија која денес изненадувачки во три сета ја победи Комардина. Латвијката се наоѓа на 296-та позиција на ВТА листата.
