Кој ќе тепа на Ел Класико!? ↓↓↓
Тренерот на Монако Леонардо Жардим смета дека Џиџи Буфон беше пресуден фактор во синоќешниот натпревар.
Монако е поразен на својот Луј втори од Јувентус со 2:0 во првиот натпревар од полуфиналето на Лигата на шампионите.
„Мислам дека вечерва Јувентус доминираше во текот на првите 15 минути, а тогаш воспоставивме рамнотежа во остатокот на натпреварот“, рече Жардим и додаде:
„Екипата одигра добар натпревар. Сакам да ги пофалам моите играчи за пружената партија. Ова е фудбал“.
Тренерот на Монако смета дека на никого не е лесно да игра против Јувентус.
„Не е лесно на било кој да игра против Јувентус. Килијан Мбапе не можеше да пронајде простор и мора да научи да го создава, кога го нема. Буфон направи две или три неверојатни одбрани и тој беше пресуден фактор во овој натпревар“, рече Жардим.
Стратегот на франфуската екипа и понатака верува дека може да се пласира во финалето на Лигата на шампионите.
„Сега е тешко, но апсолутно мораме да веруваме дека можеме да се пласираме во финале. Најдобар начин дека имаме и мала шанса ќе биде да го победиме Нанси за викндот во важниот натпревар во француската Лига 1, и така да добиеме самодоверба пред патот во Торино“, рече Жардим.
