Кој ќе тепа на Ел Класико!? ↓↓↓
Изненадувачки трансфер реализираа од таборот на Победа откако попладнево го објавија доаѓањето на талентираниот Јасир Асани.
Првиот човек на Победа, Гоце Инглизов денес ги финишира преговорите со 22 годишниот играч и ставија потпис на шестмесечен договор.
Асани е фудбалер на Вардар, а минатите шест месеци ги помина како позајмен во редовите на Шкупи.
„ Одлучив да дојдам во Победа и да направам чекор напред во мојата кариера. Во Победа имам многу пријатели со кои сум настапувал. Тука ми е меѓу другите и Гешоски, легендата на фудбалот во Македонија. Сакам оваа сезона со Победа да избориме излез во Европа затоа што прилепскиот прволигаш има многу добра екипа и верувам дека во претстојниот шампионат ќе направиме успех“- коментираше Асани по потпишувањето на договорот.
Асани е четврто засилување за Победа ова лето откако во клубот претходно дојдоа Борче Маневски, Нове Ацески и Тулат Хумбатов.
