Кој ќе тепа на Ел Класико!? ↓↓↓
По натпреварот меѓу Хрватска и Словенија каде Дончиќ го покажа својот раскошен талент, пофалби стигнаа дури и од хрватскиот селектор Александар Петровиќ, инаку брат на покојниот кошаркарски великан Дражен Петровиќ.
Иако Хрватска го доби натпреварот со 18 поени разлика сепак шоуто го украде 18-годишниот Лука Дончиќ, кој уште еднаш покажа дека вакви кошаркарски бисери се многу ретки.
“Неверојатно е да се види некој што игра со таква леснотија. Гледајќи што може Лука да направи на теренот, мислам дека веќе долго време немало некој што е толку комплетен играч на европските терени. Тој е една цела класа над сите играчи кои излегоа од европските клубови во последните десетина, петнаесет години.” – изјави хрватскиот селектор Александар Петровиќ.
Лука Дончиќ е моментално член на шпанскиот шампион Реал Мадрид а се очекува да се пријави на НБА драфтот во 2018 година.
