Кој ќе тепа на Ел Класико!? ↓↓↓
Стефан Спировски веднаш по комплетирањето на трансферот во Ференцварош се стави на располагање на селекторот Игор Ангеловски.
27 годишниот фудбалер истакна дека сите се подготвени и се надева дека ќе ја пренесат формата од клупските настапи во репрезентацијата.
„Сите ќе бидеме подготвени, а се надевам дека ќе имаме и малку повеќе среќа. Атмосферата во тимот е одлична, ако ја пренесеме формата и ефикасноста од настапите на клупски план, мислам дека ќе биде позитивно за нас во Израел. Наша задача во овие неколку денови е да го дадеме најдоброто од себе на тренинзите и да ги исполниме задачите кои ги бара од нас селекторот. За 90-те минути во Израел убеден сум дека секој што ќе добие шанса ќе даде максимум. Мислите ни се насочени единствено кон пресметката на 2-ри септември, чекор по чекор, подоцна за Албанија“- изјави новиот фудбалер на унгарски Ференцварош, Стефан Спировски.
Македонија најпрво гостува на Израел на 2-ри септември, за потоа три дена подоцна во Струмица да ја пречека репрезентацијата на Албанија.
