Кој ќе тепа на Ел Класико!? ↓↓↓
Српскиот тенисер Душан Лајовиќ беше достоен противник на светскиот тенисер број еден во воведното коло од УС Опен.
Лајовиќ одигра феноменален прв сет против големиот фаворит, направи брејк и уште во раната фаза од сетот стигна до 3:1, а на водство од 5:4 во гемови не успеа да го добие сетот на свој сервис. Надал го изедначи резултатот, па во тај-брејк по голема борба го доби со 8:6.
И тоа беше се од Лајовиќ во овој натпревар. Откако го намачи Надал во сет кој траеше еден час и пет минути, во продолжение целосно падна, па Шпанецот без проблем ги освои двата сета со идентичен резултат, 6:2.
Во второто коло се пласираше и Александер Зверев кој со 3:0 славеше над Даријан Кинг од Барбадос. Останатите натпревари кои не беа играни на централниот терен беа откажани поради дожд.
