Кој ќе тепа на Ел Класико!? ↓↓↓
Претседателот на управниот одбор на Баерн Минхен, Карл Хајнц Румениге го критикуваше напаѓачот на клубот, Роберт Левандовски поради неговите изјави во врска со последните трансфери на ПСЖ И Барселона.
Полјакот неодамна изјави дека во овој момент во фудбалот се поважни парите отколку лојалноста кон клубовите.
„Ако добро разбирам, тој се жали. Лојалноста кон клубот е ген на Баерн и тоа е многу важно за нашите навивачи. Одамна воспоставивме сериозна и успешна филозофија. Побрзо ќе се сложам со канцеларката Меркел отколку со Левандовски. Роберт веројатно е возбуден поради трансферите во ПСЖ, но тој игра во Баерн и добива многу пари за тоа“– коментираше Румениге за „Билд“.
Инаку и германската канцеларка, Ангела Меркел неодамна го критикуваше тимот на ПСЖ поради парите кои ги плати за Нејмар.
