Над 500 деца тренираат ракомет во 11 школи „Кирил Лазаров 7“


Вака се слави гол во 120-та минута!!! ↓↓↓


На почетокот на јули оваа година, пред спуштање на завесата на, до сега, најдобро организираниот ракометен камп, капитенот на македонскиот национален тим, Кирил Лазаров и неговиот тим го најавија следниот голем проект за развој на македоснкиот ракомет, школата за ракомет „Кирил Лазаров 7“.
Шест месеци подоцна проекциите за отварање на минимум седум школи во исто толку градови се натфрлени и во моментов школата на најдобриот македонски спортист брои единаесет школи со повеќе од 500 момчиња и девојчиња.

Идејата на Лазаров да овозможи ракомет за секое дете без разлика на местото и условите во кои тоа дете живее, да му се овозможи иста шанса да тренира и сонува дека еден ден, исто како неговиот идол Кирил, ќе игра на големата сцена и ќе го носи дресот со националниот грб.

За таа цел, покрај школите во Скопје, Струга, Охрид, Куманово, Тетово како големи градови и општини, школата за ракомет е присутна во Богданци, Стоајково, Чешиново- Облешево, Валандово, општини во кои нашите најмлади членови за првпат се запознаваат со ракометот како спорт.

„Покрај тоа што ние како организатори на овој проект сме максимално посветени во обезбедување на што подобри услови за тренинг во делот на опремување на секоја школа со се што е потребно од опрема, реквизити и топка за секое дете, нашата насока во иднина ќе оди и кон едуцирање и надградба на тренерскиот кадар како важен сегмент“, вели Горан Ѓоргоноски од агенцијата КМГ Спорт, која стои зад организацијата и техничката поддршка на школите.

Тој додава дека без разлика без разлика на тоа колку е важно да се обезбедат врвни услови за тренинг на овие деца, сепак како клучен го гледаат факторот човек, односно особено внимание ќе обрнеат со децата да работат врвни педагози и стручни лица и со тоа, сметаат дека успехот ќе биде неминовен.

Покрај социјалниот момент кај најмладите во нашата држава, КМГ Спорт, во соработка со своите партнери и пријатели ќе го следи и физичкиот развој на секое дете, ќе го едуцира за правилен и здрав начин на исхрана и насочува кон вистинските вреднсости.