Уствари викендов е затишје пред бура! ↓↓↓
Аргентинецот Карлос Тевез се врати во Бока Јуниорс, откако 12 месеци пред завршување на договорот ја раскина соработката со Шангај Шенхуа.
Поранешниот фудбалер на Манчестер Јунајтед, Манчестер Сити и Јувентус стана фудбалер на Шангај во декември 2016-та година, кога потпиша договор вреден 40 милиони фунти. Тогаш стана и еден од најплатените фудбалери во светот, со наводна плата од 615.000 фунти неделно.
„Тевез дојде дома. Веќе се приклучи на тимот и го одработи првиот тренинг.“, соопштија од Бока Јуниорс.
Ќе биде ова трет пат Тевез да го носи дресот на Бока Јуниорс, за која играше од 2001 до 2004-та година, па потоа во сезоната 2015/16.
