Уствари викендов е затишје пред бура! ↓↓↓
Новинарот на Скај Спортс и поранешен член на Арсенал, Алан Смит изјави дека Озил е блиску до потпишување на продолжување на соработката со тимот на Арсенал.
Актуелниот договор на германскиот интернационалец со Арсенал истекува ова лето, а за неговата иднина се шпекулираше речиси секој ден.
„Моите извори ми говорат дека тој (Озил) е блиску до потпишување нов договор. Немаме слушнато многу за тоа но изгледа имало преговори ’зад сцената’ и веројатно истите ќе бидат успешни“- коментираше Смит кого пошироката јавност го знае како коментатор на најпопуларната фудбалска игра, ФИФА.
Германскиот „Билд“ пак пренесува дека Пјер Емерик Обамејанг е блиску до преселба во редовите на Арсенал. Доколку пристигне и Микитаријан тоа ќе значи дека Арсенал и покрај заминувањето на нивниот најдобар играч ќе има доста компактен состав за продолжението на сезоната.
