Кој ќе тепа на Ел Класико!? ↓↓↓
Претседателот на Европската куќа на фудбалот, УЕФА, Александар Чеферин во денешното обраќање за време на отворањето на новиот објект во Куќата на фудбалот ги потенцираше заложбите на ФФМ за македонскиот фудбал да зачекори на вистинскиот пат.
Меѓу другото, Чеферин напомена дека му кажал на претседателот на ФФМ, Илчо Ѓорѓиоски дека немаме простор за алиби и дека Европското првенство со Лигата на Нациите ни е на дофат.
„Чест ми е да сум со вас тука во Скопје, секогаш ми е убаво тука. Би сакал да ѝ честитам на ФФМ, која заедно со УЕФА направи големи проекти за развој на фудбалот во земјата. Три стадиони во земјата се реновирани, вклучувајќи ја и арената „Филип Втори“ која беше домаќин на фантастичниот Суперкуп на УЕФА меѓу Реал Мадрид и Манчестер Јунајтед. Македонија има услови, има база за прогрес на фудбалери. Бројот на терени расте, инфраструктурата се развива, а наскоро ќе го започнеме и четвртиот „Хет-трик“ проект на УЕФА. Младинскиот фудбал е приоритет за многу федерации, Македонија отиде чекор напред во тоа. Тимот до 21 година играше на ЕП, додека репрезентациите до 19 и 17 години учествуваат во елитната фаза на УЕФА. Исто така, ФФМ постави и академија за млади фудбалери. Има таленти во оваа земја. Би сакал да ја најавам и новата Лига на Нации, во која Македонија е во одлична позиција во лигата „Д“. Имате група на искусни фудбалери, потпомогната од новите деца. Му кажав на Илчо, нема веќе простор за алиби. Македонија има добра шанса да игра на ЕП. Македонија фудбалски е на повисоко ниво, а УЕФА секогаш ќе биде нејзин партнер“- изјави Чеферин.
