Пол Погба сака да избега од Манчестер јунајтед, откако пред две години пристигна од Јувентус за тогаш рекордни 105 милиони евра.
Неговиот агент Мино Рајола е на преговори за да ги договори условите за трансфер во Барселона. Јунајтед вчера одби понуда од 50 милиони евра и двајца играчи, но сега се очекува нова.
Погба, наводно, веќе ги договорил условите со Барселона. Ќе има плата од 350.000 фунти неделно, односно 18 милиони фунти годишно и сега е потребна потврда само од Јунајтед.
Но, засега ја нема. Тимот од Манчестер тешко може да најде замена до утре во 17 часот, кога завршува преодниот рок во Англија и трансферот е далеку од реализација.
Сепак, постојано се случуваат чуда во светот на фудбалот, посебно кога станува збор за трансфери, па останува да видиме што ќе се случи до утре.
