Кој ќе тепа на Ел Класико!? ↓↓↓
Американската тенисерка, Серена Вилијамс се пласираше во третото коло во Австралија Опен откако денес ја порази, Евгенија Бокард од Канада со 2:0.
Серена денес немаше претерано тешка задача против Бокард која моментално се наоѓа на 79. позиција на ВТА листата и победи по само 71 минута.
Во првиот сет од осум одиграни гемови, видени се шест брејка, а Серена направи два повеќе па славеше со 6:2. Американката во вториот период добро го оддржуваше својот сервис, а стигна да направи два брејка, па така славеше повторно со 6:2 за конечни 2:0 во сетови.
Таа во третото коло ќе игра против Дајана Јастемска која е 57. тенисерка во светот.
Инаку, до крајот на денешната програма во Мелбурн ќе биде одиграна уште една средба во женска конкуренција, а во неа ќе се сретнат Јоана Конта и Габрин Магуруза.
