Уствари викендов е затишје пред бура! ↓↓↓
Ел Команданте, Раул Гонзалес и официјално го напушти кормилото на македонската ракометна репрезентација.
“Ракометната Федерација на Македонија би сакала да ја извести јавноста дека македонската куќа на ракометот и селекторот на машката сениорска репрезентација, г. Раул Гонзалез, се спогодија да ја прекинат соработката.
Земајќи ја предвид потребата машката А-селекција да има стратег кој секојдневно ќе биде посветен и ќе биде во тек со сите збиднувања поврзани со репрезентацијата, како и оддалеченоста и професионалните клупски обврски на досегашниот селектор, двете страни, пријателски и фер, се сложија околу прекинувањето на соработката.
Би сакале да му се заблагодариме на “Ел команданте” за досегашното работењe со нашиот А-тим и му посакуваме се најдобро, многу успеси и многу титули во иднина. Иако ќе ни недостасува неговата смиреност и тактичност на клупата, продолжуваме секој со своите предизвици кон нови победи“, стои во соопштението на РФМ.
