Елмас: Среќен сум поради настапот во дербито и погодокот против Галатасарај!

Македонскиот репрезентативец и фудбалер на Фенербахче, Елиф Елмас одигра фантастичен меч и постигна гол во дербито меѓу Фенербахче и Галатасарај (1-1) во турската Суперлига.

Галатасарај имаше водство на гостувањето кај Фенербахче, кој игра многу слабо сезонава, но сепак Елмас беше херојот на својата екипа, откако со погодок ги постави конечните 1-1.

По натпреварот македонскиот бисер кажа дека е многу среќен што играл во големото турско дерби.

„Среќен сум што играв во дербито и тоа за првпат. Мило ми е и што постигнав гол. Среќен сум што ја продолживме серијата, па се надевам на подобри резултати во иднина“, вели Елмас.

Интересно е тоа што на стадионот во Турција беа забележани скаути од седум европски гиганти, меѓу кои и тие на Лацио, Фиорентина и Тотенхем, кои покажаа интерес за услугите на Елмас.

Advertisements