Ди Марија се враќа назад во Примера: Дилемата е во кој од најголемите ривали на „Кралевите“…?!

epa05921639 Angel Di Maria of Paris Saint-Germain reacts during the French Ligue 1 soccer match between Paris Saint-Germain (PSG) and Montpellier HSC at the Parc des Princes Stadium in Paris, France, 22 April 2017. EPA/ETIENNE LAURENT

Фудбалерот на ПСЖ, Анхел Ди Марија би можел да се врати во Шпанија, но не во Реал Мадрид чиј дрес со успех го носеше, туку во редовите на ривалот Барселона или пак, мадридски Атлетико.

Шпанскиот весник, Дон Балон пишува дека првиот човек на ПСЖ, Насер Ал-Келаифи гледа добра зделка во продажбата на аргентинскиот фудбалер ова лето и сака да ги врати вложените 63 милиони евра од трансферот од Манчестер Јунајтед.

На преминувањето во Барселона работи и соиграчот на Ди Марија од репрезентацијата и голем пријател, Лео Меси кој не крие дека долго сака да го види на „Камп Ноу“, но голема улога ќе одигра уште еден Аргентинец – тренерот на Атлетико, Диего Симеоне.

Сепак, приоритет на Ди Марија е да игра покрај Меси и стане еден од ретките играчи кои ги носеле дресовите на двата најголеми клуба во Шпанија, покрај асовите како што беа Луис Фиго, Роберт Просинечки, Самјуел Ето, Луис Енрике…

Ди Марија играше за Реал Мадрид во периодот од 2010. до 2014. година кога даде голем печат на освојувањето на Лигата на шампионите, малку пред заминувањето во Јунајтед, покрај титулата во Примера, двата Купа на Кралевите и Суперкуповите на Шпанија и Европа.

Advertisements