СМС отворено за Јунајтед: Тоа беа новинарски приказни, не реков дека сакам да го напуштам Лацио

Српскиот репрезентативец Сергеј Милинковиќ Савиќ ова лето се поврзуваше со преминување во Манчестер Јунајтед.

Овој фудбалер во 2015. година стигна од Генк во Лацио за 18 милиони евра и од тогаш во овој клуб одигра 138 натпревари и постигна 31 гол, па се чинеше дека сега ги напушта небеско плавите.

Англиските медиуми пишуваа дека Лацио ќе добие 75 милиони евра плус бонуси, но тој сега сета таа приказна ја демантира.

„Никогаш не размислував да го напуштам Лацио. Никогаш не сум ни споменал трансфер во Јунајтед. Тоа неше само новинарска приказна. Не зависи тоа само од мене. А, доколку нешто се случи, ќе се случи, има сеуште време. Досега немаше ништо“, јасен беше Савиќ.

Преодниот рок во Англика заврши и Савиќ не може да потпише за Јунајтед.

Србинот пред Јунајтед се поврзуваше со Јувентус, а сега и со ПСЖ.