Селекторот Матијашевиќ со искрен коментар: Се надевам во Македонија ќе излезат експертите кои ги објаснуваа лошите игри на момците

Селекторот на репрезентацијата на Македонија, Никола Матијашевиќ со искрена изјава ја честита победата на сите негови одбојкари кои ги посочи како најзаслужни за големиот успех и историската победа против Словенија.

Матијашевиќ исто така не пропушти прилика да ги повика експертите кои ги критикуваа нашите кога губеа, да дадат коментар и за сегашните резултати…

„Македонија играше на сите натпревари, но посебно на овие последни два натпревари. Мора да им честитам на играчите за многу работи. Ова е исклучиво нивен резултат, нивен најголем резултат. Се за што зборувавме вчера и денес, исполнија се и мислам дека целиот тим има заслуга за оваа победа.

Се надевам дека ќе одиме во нокаут фазата во Франција, успехот е оглем. Се надевам во Македонија ќе се јават експертите и ќе ја објаснат добрата игра од денес и вчера исто како што ги објаснуваа лошите игри на момците. Овие играчи ја заслужија оваа победа и се надевам дека тука нема да запреме“ –изјави селекторот Никола Матијашевиќ.