Златан најави враќање во Европа во јануари: Се уште можамда направам разлика, подобар сум од многу играчи таму…

Златан Ибрахимовиќ е пред заокружување на уште една фантастична сезона зад своето име. Швеѓанецот е прва виолина на Лос Анџелес Галакси и е на врвот на листата на стрелци во МЛС Лигата заедно со Карлос  Вела.

На Ибрахимовиќ ќе му истече договорот во декември и ќе биде слободен да бара нов клуб, па можно е тој да се врати во Европа каде долги години ги тресеше противничките мрежи.

„Знам дека се уште можам да направам разлика, и во Италија и во другите земји во Европа. Подобар сум од многу играчи кои се таму. Мојот договор истекува во декември и се уште не знам што ќе се случи после тоа, се е отворено“ –изјави Ибрахимовиќ за „Скај Италија“.