Серија А нуди вистински циркус со тренерите: Бреша го избрка Гросо по само еден месец и го врати стариот тренер…

Серија А понекогаш знае да служи и како лига за потсмев ако се погледне работата на помалите клубови и нивниот однос со тренерите.

Последен е случајот со Бреша која пред 27 дена го избрка Еугенио Корини и на негово место го назначи Фабио Гросо.

Откако резултатите на клубот не се подобрија Бреша се реши на чудно решение, го избрка Гросо и го врати на кормилото Еугенио Корини.

Ова не е непознато за италијанските клубови. Клубот на Горан Пандев, Џенова, три пати во краток период го бркаше, па го враќаше хрватскиот стратег Иван Јуриќ, а сличен беше случајот и со Палермо каде играа Несторовски и Трајковски со нивниот тогашен тренер Давиде Балардини.