„Сакаме да влеземе во историјата со освојувањето на Лигата на шампионите“


Вака се слави гол во 120-та минута!!! ↓↓↓


Ѕвездата на Реал Мадрид Кристијано Роналдо се надева дека Мадриѓаните ќе слават во финалето на Лигата на шампионите против Јувентус и да стана прва екипа која ја одбрани титулата шампион на Европа во новиот формат.

„Сакаме да влеземе во историјата, а ако ја освоиме ќе станеме прва екипа која ќе ја освои Лигата на шампионите две сезони по ред по новиот формат. Тоа се наши амбиции и наш сон. Секогаш е убаво да се игра во финале на Лигата на шампионите.

Играме против одлична екипа, знаеме дека ќе биде тежок натпревар, но ние сме Реал Мадрид и ги имаме сите шанси за освојување на трофејот.

Мислам дека шансите се подеднакви, но се надевам дека ќе славиме“, рече Роналдо во интервју за УЕФА.

Португалецот смета дека Јувентус е одлична екипа, како и дека не стигнаа до финале случајно.

„Освојување на Лигата на шампионите е многу тешко. Во групата завршивме на второто место, но но нокаут фазата одигравме одлично и заслужно играме во финале. Јувентус е одличен тим. Не стигнаа до финале случајно.

Ја освоија Серија А и Купот, а сега ќе играат со нас и не очекува тешка мисија. Имаат одлична последна линија, но секогаш имаат некоја слабост која ќе пробаме да ја искористиме“, заклучи Роналдо.

Финалето на ЛШ е на распоредот во сабота, 3 јуни во Кардиф.