Кој ќе тепа на Ел Класико!? ↓↓↓
Фантастичен натпревар можеше да видиме на „Сигнал Идуна Парк“ каде во дербито на колото се сретнаа екипите на Борусија Дортмунд и Шалке 04.
Гостите од Гелзенкирхен буквално не знаеја каде се наоѓаат по само 25 минути игра, а првиот гол го видовме во 12. минута. Обамејанг со лизгачки старт го отвори резултатот, а само шест минути подоцна Стамбули си постигна автогол за 2:0.
Во 20. минута Гетце го постигна третиот гол за Борусија Дортмунд, а веќе во 25. минута „Милионерите“ имаа предност од 4:0 со голот на Рафаел Гереро.
И кога сите мислеа дека ова ќе биде лесна победа за Борусија Дортмунд гостите го возвратија ударот. Најпрво Бургсталер го намали резултатот на 4:1 во 61. минута, а Харит само четири минути подоцна намали на 4:2.
Домаќините останаа со играч помалку по вториот жолт картон на Обамејанг што доведе до стампедо напади на Шалке. На четири минути до крајот на регуларниот дел Калиџури постигна гол за 4:3, а во продолжението Налдо го комплетираше големото изненадување погодувајќи за 4:4.
Резултати:
Аугсбург- Волфсбург 2:1
Борусија Дормтунд- Шалке 4:4
Франкфурт- Леверкузен 0:1
Фрајбург- Мајнц 2:1
Лајпциг- Вердер 2:0
