ВАР ќе се прикажува на екраните на стадионите на Светското првенство

0

Снимките од спорните моменти за кои судиите ќе користат ВАР технологија за време на Мундијалот во Русија ќе бидат прикажувани и на големите екрани на стадионите.

И покрај критиките, видео асистентот ќе биде користен на Светското првенство и ќе треба да претставува една револуција во модерниот фудбал.

Еден од главните проблеми на ВАР системот е што навивачите на стадионите не можат да ги видат спорните моменти, но за тоа е најдено решение така што снимките ќе бидат прикажувани и на самите стадиони.

Видео технологијата оваа сезона е воведена во Бундеслигата и Серија А, а се користи и во англиските купови. Од ФИФА минатиот месец потврдија дека ВАР технологијата ќе биде користена и на Светското првенство.

Share.