Кој ќе тепа на Ел Класико!? ↓↓↓
„Ел Класико“ и судијата Ернандез се главна тема во Шпанија, а така ќе остане уште некој период, поради грешките кои ги направија судиите.
Барселона и Реал Мадрид одиграа 2-2, но мечот беше исполнет со многу грешки, како на главниот судија, така и на неговите помошници.
Шпанските медиуми набројаа неколку од нив, а ние ви ги пренесуваме во целост.
„Ситуацијата во која помошниот судија досуди офсајд, Роналдо беше во линија со Жорди Алба“
„Герет Бејл невнимателно, премногу остро и намерно го згазна Умтити, а не доби ниту жолт, а најверојатно требаше да добие црвен“
„Дали Роберто заслужи директен црвен картон или само предупредување? Марсело по мечот кажа дека не е сигурен дека Роберто го удрил по лицето“
„Меси откако доби жолт картон, неколкупати испрати пцовки до судијата“
„Суарез призна дека направил мал прекршок над Варан при вториот гол и дека бил шокиран што судијата дозволил играта да продолжи“
„Алба го сруши Марсело во 75. минута и тоа беше пенал за Реал“
Доколку беа досудени овие грешки, дефинитивно конечниот резултат ќе беше поинаков, а кој ќе беше победникот и дали ќе имаше таков, останува на вас да процените.
