Новак Ѓоковиќ во голем стил до титулата на УС опен


Вака се слави гол во 120-та минута!!! ↓↓↓


Српскиот тенисер Новак Ѓоковиќ го освои УС опен.

Тој во вчерашното финале го совлада Аргентинецот Хуан Мартин Дел Потро со 3-0 по сетови. 6-3, 7-6 и 6-3.

И двајцата тенисери влегоа сигурно во мечот. Сервисот одлично им работеше, но во осмиот гем Дел Потро попушти. Иако имаше 40-0, Ѓоковиќ одигра одично во остатокот од гемот и додје до брејк. Со сигурен сервис успеа да го освои сетот со 6-3.

Новак влезе сигурно и во вториот сет и имаше предност од 3-1, но неговата игра вовлече нервоза и Дел Потро набрзо го врати изгубениот сервис. Победникот во вториот сет беше решен со тај-брејк каде што Аргентинецот направи неколку грешки. Ноле тоа го искористи и го освои вториот сет со 7-6 за 2-0 во сетови.

Ѓоковиќ одлично влезе и во третиот сет. Повторно поведе со 3-1, но Дел Потро не се предаваше и дојде повторно до 3-3, сепак кога беше најважно аргентинскиот тенисер не можеше да издржи.

Новак во осмиот гем дојде до брејк, сервираше за меч, го доби третиот сет со 6-3 и со тоа го освои УС опен со убедливи 3-0.

Ова е трета титула за Ноле на УС опен и 14. Гренд Слем во кариерата, а на вечната листа се изедначи со легендарниот Пит Сампрас.