Голманот на Кристал Палас во големи проблеми поради нацистички поздрав

Вејн Хенеси, голманот на Кристал Палас е под истрага поради нацистички поздрав.

Англискиот фудбалски сојуз ФА започна истрага против Хенеси кој пак тврди дека камерата случајно го фатила и тврди дека тоа не му била намерата.

Фотографијата ја објави германскиот фудбалер и соиграч на Хенеси, Макс Мејер, а во позадина се гледа како голманот го прави нацистичкиот поздрав. Набрзо голманот од Велс преку Твитер ги разјасни работите.

„Синоќа бев на вечера со соиграчите и правевме групна фотографија. Мафтав и викав на една особата која сликаше тоа да го направи, а во истиот момент ја ставив раката преку устата за да ме слушне погласно. Камерата фатила како јас правам потполно неприфатлив поздрав. Можам на сите да има кажам дека тоа никогаш не би го направил и дека овој потег е целосно случаен“- порача голманот.

Како и да е, надлежните тоа допрва ќе го испитаат, тие ќе проверуваат дали Хенеси имал намера или се е чиста случајност.

Advertisements