Шпанскиот тренер на клупата на Манчестер Сити, Пеп Гвардиола не можеше да му соопшти полоши вести на фудбалерите на овој клуб.
Иако празниците во сите останати лиги означуваат пауза и радост за фудбалерите, во ПЛ е обратно. Тогаш имаат најмногу работа, а Гвардиола на фудбалерите на Сити одлучи да му ја отежне работата.
Сити игра на 26-ти декември против Хал на гости, а Гвардиола порача дека неговите фудбалери за тој натпревар ќе се спремаат како и за секој друг што вклучува и тренинг еден ден порано т.е на Божиќ.
„Ќе тренираме утре и задутре. Ќе патуваме во Хал попладне, после тоа ќе одиграме натпревар и ќе се вратиме. Ќе се спремаме за тој натпревар како да не е Божиќ. Разговарав со Давид Силва и некои други фудбалери и тие ми кажаа што значи да играш за Божиќ во гости кај Хал. Она што го научив од кога сум овде е дека нема голема разлика во квалитетот помеѓу клубовите од горниот и долниот дел на табелата. Не очекувам лесен натпревар“, изјави Гвардиола.
