Александар Вучковски - сомелиер: Како македонските вина го освојуваат светот? ↓↓↓
Тренерот на Реал Мадрид, на вчерашната прес конференција изјави дека едноставно не постои шанса Кристијано Роналдо да ги напушти Кралевите во блиска иднина.
За заминувањето на Роналдо од Реал се шпекулира веќе со месеци, а шпанските медиуми вчера објавија дека Роналдо му порачал на Перез дека сака да се врати во Манчестер Јунајтед. Зидан изјави дека не се грижи околу тоа, бидејќи едноставно знае дека Роналдо ќе остане.
„Не сум загрижен. Знам дека вие новинарите морате да пишувате, но Кристијано само размислува околу фудбалот како што и секогаш прави. Некако повеќе би сакал да разговараме за неговите игри и колку тој придонесува на овој тим“, изјави Зидан и додаде:
„Не можам да го замислам Реал Мадрид без Роналдо. Ова е негов клуб и тука треба да биде. Клубот, навивачите и сите останати го сакаат. Секогаш ја говорам истата работа за него, а тоа е дека едноставно не го гледам Реал Мадрид без него. Во сите тешки моменти за клубот тој е овде за него, така е и овој пат“.
