Во Рим го паметат по т.н „глупи“ погодоци кои ги примаше, но вчера беше несовладлив.
Кога закрепна, Рома повторно разочара. Наместо да продолжи да му дише во врат на Јувентус и го искористи распоредот кој се отвори, римската волчица не успеа да ја продолжи серијата на победи против Емполи.
Рома имаше одлична ситуација, противник кој е претпоследен и кој во воведните 10 кола не постигна погодок на девет натпревари. Ниту Емполи не постигна погодок ниту Рома.
Заслугите за 0:0 најмногу му одат на Лукаш Скорупски, голманот на Емполи кој одбрани девет пати. Само во првите пет минути му фати зицери на Салах и Џеко, а во судиското продолжение два пати го запре Стефан Ел Шарави.
Оние кои што го следат италијанското првенство добро им е познато името Скорупски, а уште повеќе дека се работи за голман на Рома кој е на позајмица во Емполи втора сезона по ред. Пољакот на Олимпико стигна во 2013-та година, не остави добар впечаток па Рома го прати на позајмица.
Се памети натпреварот во ЛЕ против Фиорентина која сред Рим славеше со 0:3, а Скорупски му овозможи на Алонсо, сегашниот фудбалер на Челси со се топка да влезе во неговата мрежа.
Но, вчера на стадионот Карло Кастељани некој друг Скорупски на очај на фудбалерите и навивачите на Рома.
