На денешните квалификации во Абу Даби победи возачот на Мерцедес, Луис Хамилтон.
Хамилтон постави најбрзо време на квалификациите во Абу Даби. Неговиот клупски колега и лидерот во генералниот пласман, Нико Розберг заврши втор. Даниел Рикиардо ќе стартува од третата позиција. Двата возачи на Ферари, Кими Раиконен и Себастијан Ветел завршија на четвртата и петата позиција. Возачот на Ред Бул, Макс Ферстапен ќе стартува од шестата позиција. Во топ 10 завршија и Нико Хулкенберг, Серџо Перез, Фернандо Алонсо и Фелипе Маса.
После првата квалификациска сесија испаднаа Квјат, Магнусен, Наср, Окон, Сајнц и Ериксон. Ботас, Батон, Гутиерез, Грожан, Палмер и Верлејн испаднаа во втората квалификациска сесија.
Последната трка оваа сезона е на програмата од 14:00, а за титула ќе се борат Нико Розберг и Луис Хамилтон.
