Сите пет натпревари се одиграа од десетото коло од втората македонска лига.
На домашен терен фудбалерите на Академија Пандев во второто полувреме го средија Вардар Неготино, 2:0. Љупчо Дориев и Валентин Кочоски беа стрелците за новата победа на својот тим.
Скопје со 2:0 го совлада Љубанци. Двата погодоци беа видени во второто полувреме. Марио Настевски после еден час игра му донесе водство на Скопје, а конечните 2:0 ги постави Малиќ Белули од белата точка.
Еуромилк на гостувањето кај Новаци ја запре нивната победничка серија. Скопскиот клуб славеше минимално со 0:1. Андриан Чаволи го одлучи победникот на натпреварот во 64-та минута.
Теодор Фиданоски на десет минути пред крајот на натпревар му донесе победа на Металург на гости против Тетекс.
Велазерими и Хоризонт Турново одиграа 1:1. Трајче Ефремов во првото полувреме го донесе во водство Турново. Велазерими израмни преку погодокот од пенал на Лутфи Биљали. Домашните фудбалер останаа со фудбалер помалку во 70-та минута кога црвен картон доби Албулен Имери. Гостите тоа не успеаа да го казнат и двата клуба ги поделија бодовите.
