Од петото коло од групната фаза во Лига Европа се одиграа уште дванаесет натпревари.
Ајакс ќе заврши на првата позиција после денешната победа од 2:0 против Панатинаикос. Шон и Тете беа стрелци во победата на холандскиот клуб. Стандард успеа да се избори за бод на Балаидос против Селта Виго. Фиорентина после денешното реми против Паок, 2:2 се пласира во нокаут фазата во ЛЕ. Родригез го шокираше Артемио Франки во 93-та минута кога погоди за победа на Паок против Фиорентина. Гент и Брага ремизираа, 2:2. Фудбалерите на Интер испуштија два погодоци предност против Бер Шева. Икарди и Брозовиќ погодија за Интер, а Маранхао и пеналот направен од Хандановиќ го израмни резултатот. Сахар во 93-та минута му донесе победа на Бер Шева, 3:2. Краснодар ремизираше на домашен терен против Салзбург, 1:1.
Либерец го декласира Карабах со 3:0. Македонскиот фудбалер, Муарем Муарем го напушти теренот после еден час игра. Шалке славеше против Ница со 2:0 со погодоците на Конопљанка и Аого од пенал. Коњаспор запиша висок пораз на гостувањето кај Шахтјор, 4:0. Спарта Прага го совлада Саутемптон минимално со погодокот на Коста, 1:0. Стеауа во последните минути од натпреварот славеше со 2:1 против Османлиспор. Со погодокот на Родригез од белата точка, Цирих ремизираше против Виљареал, 1:1.
