До кога ќе дишеме отровен воздух!? | Уште еден поткаст ↓↓↓
Големи промени се спремаат во Интер.
Фудбалскиот клуб Интер е спремен за целосна реконструкција после новата срамна сезона.
Интер испадна од групната фаза на ЛЕ, во Серија А тешко ќе успее да стигне до ЛШ, и ова е веќе кој знае која сезона во низа која е за заборав.
Тоа ги наведе челниците на клубот во целост да ја реконструираат екипата, а италијанските медиуми наведоа дека петмина играчи се на трансфер листата во зимскиот преоден рок.
Во овој јануари може да заминат – Габигол, Стеван Јоветиќ, Давид Сантон, Џонатан Биабијани и Фелепе Мело.
Газета дело Спорт пишува дека Интер со елиминацијата од групната фаза од ЛЕ загуби 15 милиони евра, а клубот ќе мора да надомести со продажба на играчи.
Интер во летото го доведе Габигол за 30 милиони, а тој досега во Серија А одигра само 16 минути и не ги оправда очекувањата.
Што се однесува до останатите споменати играчи, тие истотака не се во плановите, немаат минутажа и сигурно ќе има заинтересирани.
Стеван Јоветиќ го сака Фиорентина и враќа во Фиорентина делува како реална опција.
На се тоа, треба да се додаде и дека првиот голман Самир Хандановиќ е незадоволен и дека истотака сака да ја промени средината, повеќе за тоа ТУКА.
Во секој случај, зимата на Џузепе Меаца ќе биде многу интересна.
