Го искористија Росонерите „Денот на вљубените“, со цел да го придобијат одличниот голгетер да се пресели на Сан Сиро, а еве и како.
Имено, управата на Милан го испрати Карлос Бака на една „мисија“.
Тој го однесе својот сонародник и напаѓач на Сампдорија Луис Муриел на вечера за Денот на вљубените, со цел да го убеди да одбие понуди од Челси и Интер и во наредното лето да парафира договор со Милан!
За поранешниот фудбалер на Лече и Удинезе владее голем интерес, Конте е голем почитувач на неговите квалитети, а и амбициозната управа на Нероаѕурите со драга воља ќе сакаат да го видат во своите редови.
Сепак, Милан има тајно оружје во вид на Карлос Бака и верува декла вечерата со соиграчот и репрезентацијата на Колумбија, ќе ги сврте работите во негова корист.
Монтела исклучително го цени Муриел, посебно му се допаѓа константното движење и притисок во последната линија, кој неуморно ги извршува напаѓачот на Сампдорија, и верува дека тој и Бака ќе сочинуваат одличен тандем во нападот на Росонерите во наредната сезона.
Во тимот од Луиџи Ферара бараат барем 35 милиони евра за неговите услуги, јасно е дека во наредното лето тоа ќе можат да го понудат сите заинтересирани страни, и одлуката ќе мора да ја донесе самиот напаѓач.
Поради се тоа, се чини дека ова е „лукав“ план на Росонерите може да успее.
