Пред дербито, падна најважниот потпис во Манчестер Сити! ↓↓↓
Се одиграа останатите четири натпревари од 27-мо коло во втората македонска фудбалска лига.
Академија Пандев и Скопје ремизираа, 1:1.
Љупчо Дориев четири минути пред крајот на првото полувреме донесе водство за пандевци. Петре Василевски од белата точка го израмни резултатот и ги постави конечните 1:1.
Тетекс на гости минимално го победи Металург, 0:1.
Игор Савевски донесе победа за гостите од Тетово.
Тиквеш на домашен терен беше подобар од Хоризонт Турново, 2:1.
Наумче Бакрачески во десетата минута погоди за водство на Тиквеш. Турново преку автоголот на Игор Лазарев го израмнија резултатот, но три минути подоцна резервата Горанчо Стојановски ги постави конечните 2:1.
Вардар Неготино минимално го совлада Еуромилк на домашен терен, 1:0.
Владо Данилов во судиското продолжение од второто полувреме донесе победа за домашниот тим.
Академија Пандев и Скопје ќе играат во ПМФЛ, Новаци е во баражот, Тетекс со денешната победа избори опстанок во втората лига, Тиквеш ќе се бори за опстанок, а Металург и Вардар Неготино од следната сезона ќе играат во третата лига.
