ФИФА ја исфрли номинацијата за тренер на годината!

    До кога ќе дишеме отровен воздух!? | Уште еден поткаст ↓↓↓

    Меѓународната фудбалска федерација ги соопшти денеска имињата на 10 кандидати за најдобар тренер на годината.

    Меѓу номинираните се Клаудио Раниери од Лестер и Зинедин Зидан од Реал Мадрид.

    Раниери во минатата сезона во Премиер лигата го предводеше Лестер до првата шампионска титула во историјата на клубот, додека Зидан ја освои Лигата на шампионите, и покрај тоа што во јануари го презеде клубот, свој прв елитниот ранг.

    Во конкуренција е и селекторот на Велс Крис Колман, кој го предводеше тимот до полуфиналето на Европското првенство во Франција во ова лето, како и минатогодинешниот освојувач на признанието тренерот на Барселона Луис Енрике и тренерот на Ливерпул Јирген Клоп.

    Меѓу кандидатите се и тренерот на Манчестер Сити Пеп Гвардиола, кој го освои признанието во 2011 година, селекторот на европскиот шампион Португалија Фернандо Сантош, како и Дидие Дешан, кој ја предводеше Франција до финале на ЕП. Тука се и тренерот на Атлетико Мадрид Диего Симеоне, како и тренерот на Тотенхем Маурисио Покетино.

    Најдобриот ќе го изберат капитените и селекторите на репрезентациите, избрани претставници на медиумите, како и навивачите по пат на интернет.

    ФИФА ќе го скрати списокот на 2 декември, а најдобриот ќе се прогласи на церемонија на 9 јануари во Цирих.

    ПОВРЗАНИ НАПИСИПОВЕЌЕ ОД АВТОРОТ