Пред дербито, падна најважниот потпис во Манчестер Сити! ↓↓↓
Денес се одиграа уште два натпревари од второто коло на СП во Франција.
Ракометарите на Бразил ја совладаа Полска во натпревар од второто коло од групата А со 28:24.
Бразилците фантастично влегоа во натпреварот. Три погодоци на Толедо и по еден на Лангаро и Тешеира за водство од 5:0.
Лангаро и Дос Сантос со двата погодоци во низа му донесоа водство на Бразил од шест погодоци, 7:1 во деветата минута од натпреварот. Јахлевски постигна два погодоци во низа за намалување на 7:3.
Бразилците преку Силва и Лангаро повторно го вратија водството од шест погодоци, 9:3. Во 22-ра минута од натпреварот Бразил имаше водство од 7 погодоци, 14:7. Пред крајот на првото полувреме Пачковски се разигра и полјаците намалија на 15:11.
Со погодокот на Позер, репрезентацијата на Бразил замина на полувреме со водство од пет погодоци, 16:11.
Силва и Лангаро во второто полувреме постигнаа два погодоци во серија за водство на Бразил, 20:14.
Се играше гол за гол се до десетина минути пред крајот на натпреварот. Кандидо и Галидо набрзина постигнаа два погодоци во низа за водство, 26:19.
Ракометарите на Полска намалија на три погодоци негатива две минути пред крајот на натпреварот со погодоците на Јахлевски, Моравски и Гиерак(2), 26:23.
Бразилците на крајот се радуваа и ја запишаа првата победа на СП, 28:24. Толедо го предводеше Бразил до победа со 8 погодоци. Лангаро постигна 7 погодоци. Кај Полска најефикасен беше Пачковски со 6 погодоци.
Репрезентацијата на Словенија го совлада Исланд со 25:26 во натпревар од второто коло од групата Б.
Словенија отвори со двата погодоци во низа на Мачковшек и Зарабец, 1:2. Гунарсон постигна два погодоци во низа и го врати водството на Исланд, 3:2.
Во 15-та минута од првото полувреме Маргуч и Мачковшек погодија зa водство на Словенија, 4:5. Словенците првото поголемо водство на натпреварот го имаа осум минути пред крајот на првото полувреме кога Мачковшек и Габер донесоа водство од 6:8.
Финишот на првото полувреме донесе два погодоци во низа на Безјак и водство на полувреме на Словенија од три погодоци, 8:11.
Исланд подобро влезе во второто полувреме. Со погодоците на Атласон и Елисон намалија на еден погодок негатива, 10:11. Елисон со два погодоци во низа го израмни резултатот, 13:13 во 35-та минута од натпреварот.
Сигурдсон му донесе водство на Исланд по подолго време во 40-та минута, 17:16. Безјак и Габер потоа го вратија водството на словенците, 17:18.
Блаж и Чингесар му донесоја водство на Словенија, 20:22. Зарабец во финишот на натпреварот ја запечати победата на Словенија, 25:26. Ова е втора победа на СП за репрезентацијата на Словенија.
Безјак ја предводеше Словенија со 6 погодоци. Кај Исланд, Елисон беше најефикасен со 7 погодоци.
