Жозе Мурињо сеуште работи како стручен коментатор во Англија додека чека нов тренерски ангажман.
Мурињо на крајот од минатата година доби отказ од Манчестер Јунајтед поради лошите резултати и одлучи да прифати понуда од англиска телевизија и да биде стручен коментатор.
Португалскиот стручњак се поврзуваше со неколку клубови во последно време, а најмногу со Реал Мадрид. Сепак, до договор не дојде и сега е јасно дека Мурињо ќе чека до крајот на сезоната да ги разгледа новите понуди.
Овој викенд повторно гостуваше во емисија за Премиер лигата и жестоко го критикуваше Пол Сколс кој даде оставка на местото тренер на Олдам Атлетико.
Сколс беше еден од најголемите критичари на Мурињо додека беша во Јунајтед, а сега Португалецот сето тоа го „наплати“.
„Пол Сколс ме критикуваше кога бев менаџер на еден од најдобрите клубови во светот. Тој сега беше тренер на Олдам 31 ден. Подобро му е да се врати во студио“, рече Мурињо.
