Анде Јанков - македонски автор: Тајните на пишување добар крими роман!? ↓↓↓
Третманот што еден од најдобрите фудбалери на денешницата го доби во Дубровник, беше ни помалку ни повеќе, туку кралски. Од една до друга локација се движеше со црно комбе кое го возело до самиот влез на рестораните, што не е случај со другите светски звезди и моќни личности кои одмарале во овој град.
„На овој начин овозможивме подобра услуга и поголема приватност. Го разбираме интересот на јавноста, но сепак човекот беше дојден на одмор“, изјави градоначалникот на Дубровник, Мато Франковиќ.
Роналдо во Хрватска пристигнал во саботата во доцните вечерни часови со приватен авион и не му претставуваше никаков проблем да одвои 7000 евра од ден во Вилата Шехерезада во која пред него имаат престојувано и многу други звезди како: Џејми Фокс, Елизабет Тејлор, Ричард Бартон …
Изнајмувањето на луксузно Мерцедес комбе кое го превезуваше од една до друга локација го коштало 1000 евра на ден, без возач. А португалскиот фудбалер не штедел и на храна.
Славниот пар се гостел во едни од најпознатите дубровски ресторани: таверните на Лопуд, ресторанот 360 и во јапонскиот ресторан Такеноку. Со оглед на тоа што не е познато што јаделе и пиеле, можеме да погодуваме, просечна вечера во еден од тие ресторани чини 80 евра од особа. Но ако пиеле и некое квалитетно вино, доаѓаме до сума која изнесува од 300 евра од вечера за двајца.
Португалецот на вечера ги изнел и пријателите, па се очекува дека сумата се искачувала и до 2000 евра од вечера. Да претпоставиме и дека Роналдо и Георгина за време на одморот во Дубровник купувале и сувенири и други ситници и оделе на излет во приватен аражман. Со тоа темпо, можеме да претпоставиме дека Роналдо трошел по 20.000 евра дневно како што пишуваат медиумите од соседството анализирајќи ги добрите страни на посетата на звездата од Јувентус.
Дубровник веќе со години е избор на повеќе светски звезди. Атрактивната дестинација во Хрватска пред две години ја посетил и дефанзивецот на Реал, Марсело а пред тоа ја имаат посетено и Блејк Грифин и ДеАндре Џордан.
