Кошаркарите на МЗТ Скопје Аеродром лесно славеа во финалето во македонскиот суперкуп одигран во Јане Сандански против Карпош Соколи, 87:84.
После првата четвртина аеродромци имаа предност од 7 поени, 23:16. Вторите десет минути видовме во Јане Сандански доминација на кошаркарите на МЗТ Скопје Аеродром, 25:14. На полувреме членот на АБА лигата замина со предност од 18 поени, 48:30. Во последните 10 минути од натпревар кошаркарите на МЗТ влегоја со предност од 16 поени, 71:55. На четири минути до крајот на натпреварот соколите намалија на 2 поени негатива, 76:74. Соколите во последната минута успеаа да израмнат, но Тори Томас во последните 5 секунди погоди тројка за водство на кошаркарите на МЗТ. Пери од својата половина во последниот напад не успеа да погоди за три поени за да го израмни резултатот. Конечни 87:84.
Томас со 19 поени и 11 асистенции го предводеше МЗТ Скопје до титула на денешниот натпревар. Скот додаде 18, а Мејси 16 поени. Двоцифрен заврши и Темс кој постигна 14 поени. Кај соколите, Пери беше најефикасен со 29 поени и 9 асистенции. Лабовиќ и Ламонт го завршија натпреварот со 17 поени.
Тори Томас ја доби МВП наградата, а пехарот го подигна капитенот, Џеремаја Мејси.
МЗТ Скопје го освои македонскиот суперкуп.
