Осмото коло во Првата македонска фудбалска лига завршува вечерва во Штип. Брегалница од 18 часот, под рефлектори, го пречекува Скопје во последниот натпревар од колото, пишува SportSport.
Гостите се единствениот тим без победа во досегашниот дел од сезоната и се на последното место со само три бода. Брегалница ќе се обиде да се врати на победничкиот колосек пред својата публика, откако во минатото коло одигра 2-2 на гости против Силекс во Кратово.
Штипјани ја почнаа сезоната на Градскиот стадион со две домашни победи, а потоа минимално загубија од Шкендија Арачиново. Скопје, пак, доаѓа со цел да ја прекине серијата без победа.
Натпреварот ќе го суди Стојанче Трпчевски. По ова коло следува пауза од околу три недели во прволигашкиот календар поради настапот на македонската репрезентација во Лигата на нации.
Повеќе детали има кај SportSport.
