ФК Скопје го објави новиот стручен штаб за настапите во Првата МФЛ. Главен тренер на „пиратите“ е Иван Варадиновски од Штип, кој го заменува Муарем Муарем по слабиот старт на сезоната, објави SportSport.
Варадиновски неодамна беше на клупата на Новаци, минатата сезона работеше во Кожув, а има искуство и во Детонит. Негов помошник е Иван Настевски, информира клубот, пренесува SportSport.
Од ФК Скопје истакнаа: „Посебна важност носи фактот што Иван Варадиновски и Иван Настевски во минатото како фудбалери го носеа дресот на ФК Скопје, а денес се враќаат во клубот во нова улога.“
Новиот стручен штаб ќе има пеколно деби против првакот Вардар веднаш по репрезентативната пауза, пренесува SportSport.
