Аргентинскиот голман Серхио Ромеро се одлучи да го напушти Манчестер Јунајтед на крајот на оваа сезона, пренесуваат англиските медиуми.
Ромеро е во најдобри голмански години (има 29) и повеќе не сака да биде резерва на Давид Де Геа бидејќи е очигледно дека никогаш нема да го тргне од голот на Манчестер Јунајтед.
Ромеро во Јунајтед стигна во летото 2015 година од Сампдорија.
Во репрезентацијата на Аргентина долго вртеме е прв избор на голот, но не и на Јунајтед. Тој наводно требаше да се одлучи за враќање во Аргентина, поточно во екипата на Бока Јуниорс која е заинтересирана за неговите услуги.
Доколку тоа и се случи, ќе биде тоа негово враќање во аргентинскиот клупски фудбал и прв пат после после десет години. Тој кариерата ја почна во аргентински Расинг, а подоцна бранеше за АЗ Алкмар, Сампдорија и Монако.
