Жозе Мурињо сепак нема да ги исфрли баш сите играчи кои Луј Ван Гал во претходните две години промовираше во Манчестер Јунајтед.
Така холандскиот интернационалец Тимоти Фосу – Менсах ќе потпише нов договор, четиригодишен договоро со Црвените ѓаволи и тоа на инсистирање на Мурињо.
Влијателниот британски весник Дејли Телеграф наведува дека оваа зделка гигантот од Олд Трафорд ќе ја официјализира во петок, но не се наведуваат финансиски детали.
Фосу – Менсах има 18 години, а може да игра на две позиции, стопер и последен играч за врска.
Момчето е родено во Амстердам а ја помина младинската школа на Ајакс, а во Манчестер Јунајтед дојде во летото 2014 година. За првиот тим на Црвените ѓаволи дебитираше во февруари во оваа година против Арсенал.
