Напаѓачот Пако Алкасер во следните денови би можел да биде нов фудбалер на Барселона.
Според Мундо Депортиво, актуелниот шпански шампион го договорил трансферот на шпанскиот напаѓач од Валенсија и тој кариерата ќе ја продолжи на Камп Ноу.
Трансферот би требало да се заврши оваа недела, а лилјаците за овој трансфер ќе заработат 30 милиони евра.
Овој 22-годишен напаѓач ќе ја има улогата резервен напаѓач кај каталонците, но тоа очигледно не му смета.
Алкасер има играно и за Гетафе каде беше на позајмица во сезоната 2012/2013.
